Image description
Германы баруун нутагт тасралтгүй үргэлжлэн орж буй борооны улмаас их үер буусантай холбоотойгоор Гамшгийн, цэргийн дэглэм зарласан тухай Батлан хамгаалахын сайд Аннегрет Крамп-Карренбауэр мэдэгдлээ. Энэ бол цэргийн ангийн дарга тухайн газар дээр бие даан шийдвэр гаргана гэсэн үг, жишээлбэл хуягт, ачих машин ба армийн ачааны машин, генеторыг хуваарилах гэх мэт. Байгалийн гамшгийн уршиг дагаврыг арилгахаар Бундесверийн 850 цэрэг ажиллаж байна. Үерийн улмаас 103 хүн амь үрэгдсэн, 1300 гаруй хүн сураггүй алга болсон тухай “Die Welt” сонин мэдээллээ. Зөвхөн Рейнланд-Пфальц нутагт 60 хүн амиа алдсан бол Хойд Рейн-Вестафалид 43 хүн өнгөрчээ. 
Германы канцлер Ангела Меркель “Энэ үнэхээр сүйрэл. Усанд автсан суурин газрууд, байшингийнхаа дээвэр дээр сууж байгаа хүмүүсийн тухай мэдээнд би их цочирдсон. Тэднийг аварч чадна гэж найдаж байгаа. Энэ сүйрэлд амь үрэгдэгсдийн төлөө би гашуудаж байна. Тэдний тоог бүрэн гаргаагүй байгаа, гэхдээ маш олон. Байгалийн гамшгийн цар хүрээг бид хэдэн өдрийн дараа үнэлж чадах байх” гэж мэдэгдлээ.