Image description
Америкийн эрдэмтэд хөхний хорт хавдрыг эмчлэх шинэ аргыг мэрэгч амьтад дээр туршихад хавдрын эсийг 95-100% устгаж чаджээ. Тэдний судалгааны дүнг “Science Translational Medicine” нийтэлсэн. “ErSO” хэмээх эм бэлдмэлийг АНУ-ын Урбан-Шампейн дэх Иллинойсын их сургуулийн эрдэмтэд бүтээсэн талаар “MedicalXpress” бичжээ. Шинэ эм бэлдмэл нь хавдрын эхэн үед төдийгүй метастазын үед хүртэл үр дүнтэй ын эсрэг амжилттай тэмцэж байгаа аж. Туршилтаас үзэхэд оготно их хэмжээний тунг ч тэсвэрлэж байв.
“Эмчилгээ эхэлснээс хойш хэдэн өдрийн дотор хорт хавдрын эсүүд дунджаар 99% багассан. Хэдэн ширхэг хавдрын эс үлдэж хэдэн сарын дараа өсч томорсон ч  “ErSO”-г дахин хэрэглэхэд дороо эмчлэгдэж байлаа” хэмээн судалгааны авторын нэг, биохимич Дэвид Шапиро мэдэгдлээ. Хамгий гол нь өмнө туршсан хавдрын эсрэг эм бэлдмэлтэй харьцуулахад “ErSO” нь харш нөлөө үзүүлдэггүй ажээ. Эрдэмтэд удахгүй шинэ эмийг хүмүүс дээр туршиж, бусад төрлийн хорт хавдрын эсрэг хэр үйлчлэхийг шалгахаар төлөвлөж байна. Харин зарим ХМХ-д бичсэнээр “ErSO” эм бэлдмэл нь уушиг, яс, элгэнд үүссэн метастазыг амархан устгаж, тархины метастазыг эрс бууруулжээ.