Image description
Манай улсад хоёрдах удаагаа хүрэлцэн ирсэн Кунгмин Ли профессор тэргүүтэй БНСУ-ын “К2LBIO” компанийн судлаач, мэргэжилтэн нар Монгол улсын Эрүүл мэндийн сайдтай уулзаж саналуудаа танилцуулсны зэрэгцээ НЭМҮТ-ийн удирдлага, эрдэмтэд судлаачидтай #Хамтран_ажиллах_гэрээ байгуулав.
Дэлхий нийтийг хамарсан Ковид-19 цар тахлын үед “К2LBIO” компани Монгол улсад хийгдэж байгаа коронавирусын мутацийн оношилгоо, эмчилгээг дэмжих, оношлогооны иж бүрдэл нийлүүлэх, түргэвчилсэн оношлуурын хамтарсан үйлдвэрлэл явуулах түүнчлэн нисэх онгоцны буудал, хил орчмын бүсэд CRDS буюу Ковид-19 шуурхай илрүүлэх системийг байгуулж үйл ажиллагааг нь жигдрүүлэх зорилгоор ажиллах болно. Тухайлбал, тус компани хоёр цагийн дотор хариу нь гарах PCR шинжилгээний багцын үйлдвэрлэлийг эхлүүлэх, мөн мутацид орсон коронавирусын дельта, альфа хувилбарыг илрүүлэхээр ажиллах боломжтой бөгөөд өөрийн технологио манай улсад үнэ төлбөргүй шилжүүлэн өгөх болно гэдгээ Эрүүл мэндийн сайдад илэрхийлсэн байна. Коронавируст цар тахлын үед НЭМҮТ болон “K2LBIO” компани хамтран ажилласнаар монгол хүний эрүүл мэнд, аюулгүй байдлыг хамгаалах, эдийн засгийн нөхцөл байдлыг сэргээхэд чухал хувь нэмэр оруулах ач холбогдолтой юм.