Image description
-Жиндээ дэлхийн чансааг тэргүүлдэг бүсгүйчүүд дөрвүүлээ Олимпын медальтан болов-
Монголын жүдоч, Дэлхийн аваргын алт, мөнгө, хошой хүрэл медальт М.УРАНЦЭЦЭГ "Токио-2020" зуны Олимпын эмэгтэй жүдочдын 48 кг-ийн жинд хүрэл медаль хүртэж, Монголын тамирчдын медалийн салхийг хагаллаа.
Жүдо бөхийн эмэгтэйчүүдийн 48 кг-ийн жинд дэлхийн чансааг тэргүүлдэг дөрвөн бүсгүй дөрвүүлээ Токиогийн олимпоос медаль хүртэж, аргагүй л шилдгүүд гэдгээ нотлон харуулав. Тэд нар Олимпын наадмаас медаль хүртээгүй байсан юм.
Дэлхийн аваргын алт, хошой мөнгөн медальт Японы жүдоч Фүна ТОНАКИ /48 кг-ийн чансааны гуравт эрэмбэтэй/, Дэлхийн аваргын хүрэл медальт Косовагийн жүдоч Дистриа Красники /48 кг-ийн чансааг тэргүүлдэг/ нар Олимпын аваргын алтан медалийн төлөө хүч үзэж, Косовагийн жүдоч Дистриа КРАСНИКИ Олимпын аварга болов.
Харин Дэлхийн аваргын алт, мөнгө, хошой хүрэл медальт, Монгол Улсын гавьяат тамирчин Мөнхбатын УРАНЦЭЦЭГ /чансааны дөрөвт бичигддэг/, Дэлхийн хошой аварга Украины жүдоч Дариа БИЛОДИД /чансааны хоёрт эрэмбэтэй/ нар “Токио-2020” зуны Олимпын дэвжээнээс хүрэл медаль хүртэж, медалийн цуглуулгадаа Олимпын медаль нэмлээ