Image description
Португалийн алдарт хөлбөмбөгчин, "Ювентус" клубын довтлогч Криштиан Роналдо клубээ орхиж байгаа тухай олон мэдээ гарах болжээ. Роналдо энэ талаар тайлбар хийж “Instagram” дахь өөрийн хуудсанд тавьсан байна. “Би өөрийн ажил хөдөлмөрт ямар их анхаарч бүхнээ дайчилж ажилладагийг намайг ойлгодог хүмүүс мэднээ. Бага ярьж их хийх гэдэг уриа бол анх хөлбөмбөгийн ертөнцөд хөл тавьсан цагаас хойш миний баримталж ирсэн зарчим. Гэвч сүүлийн үед олон нийтийн мэдээллийн хэрэгслээр ярьж бичсэн бүхнийг харгалзан үзээд өөрийн бодол санааг илэрхийлэх нь зүйтэй гэж би шийдлээ. Миний ирээдүйн тухай ХМХ-ээр хөнгөмсөг мэдээ түгээж буй нь надад төдийгүй эдгээр цуу ярианд дурдагдсан бүх клубыг үл хүндэтгэсэн хэрэг, түүнчлэн тэдний ажилтнууд ба хөлбөмбөгчдийг ч ялгаагүй. Би “Реал” клуб дэх өөрийн түүхийг үг яриа, шагнал, цол хэргэм, сонины гарчгаар бичсэн. Олон олон амжилтад хүрэхдээ би энэ 9 жилийн турш өөрийн клубтэйгээ гүн холбоотой байж хүндэтгэж явдаг, үүнээ одоо ч хадгалсаар, цаашид ч хэвээр байх болно. “Реал" клубын жинхэнэ фанатууд цаашид ч намайг сэтгэл зүрхэндээ хадгалж явна гэдгийг би мэднэ” гэж тэр бичжээ. 
Криштиан Роналдо “Хэвлэл мэдээллийн хэрэгслээр өмнө нь миний тухай, надтай холбоотой клубууд болон Лигийн талаарх мэдээ байнга цацагдаж байсан ч хэн ч хэзээ ч жинхэнэ үнэнийг тодруулах гэж санаа тавьж байгаагүй. Би дуугүй байх ам тангарагаа цуцалсан шалтгаан бол цаашид миний нэрээр тоглохыг бусдад зөвшөөрч чадахгүй. Би урьдын адил өөрийн ажил хэрэгт анхаарлаа төвлөрүүлж бүх хүчээ дайчлан ажиллахын зэрэгцээ ямарваа өдөөн хатгалгатай тулгарахад бэлэн байгаа” хэмээжээ.