Image description
Английн "Манчестер Юнайтед" хөлбөмбөгийн клуб алдарт хөлбөмбөгчин Криштиан Роналдотой гэрээ байгуулснаа баталлаа. “Роналдо гэртээ буцаж ирлээ. Манай клуб түүнтэй 2 жилийн гэрээ байгуулсандаа их баяртай байна... Ажлын виза авсан тохиолдолд энэ гэрээг дахин 1 жилээр сунгах боломжтой” хэмээн “Манчестер Юнайтед” клубын мэдэгдэлд дурджээ. Роналдог шилжүүлэх авах талаарх бүх асуудлыг “Ювентус” клубтэй тохирсон гэж тус клуб өмнө нь буюу 8 сарын 27-нд мэдээлсэн юм. 
Дэлхийн супер од, Португалийн тамирчин Роналдо 36 настайдаа ийнхүү олон жил тоглосон багтаа эргэн ирлээ. Тэр 2003-2009 онд “Манчестер Юнайтед" клубт тоглосон ба 6 жилийн хугацаанд 292 тэмцээнд 118 гоол оруулжээ. “Би алдарт "Олд Траффорд" цэнгэлдэх хүрээлэндээ дүүрэн үзэгчдийн өмнө тоглох мөчийг тэсэн ядаж хүлээж байна” гэж Криштиан Роналдо мэдэгдлээ. Мань эр 2009-2018 онд Мадридын "Реал" клубт _ дараа нь Турины "Ювентус” багт тоглож байсан. Нэмж өгүүлэхэд, Роналдо өнгөрсөн улиралд Италийн аварга шалгаруулах тэмцээнд шилдэг бөмбөгдөгчөөр шалгарсан билээ.