Image description
Арабын Нэгдсэн Эмир улс 50 жилийн ойдоо зориулж үндэсний хэмжээний асар том, 50 шинэ төслийг хэрэгжүүлэхээ зарлав. АНЭУ эдгээр төслийн ачаар бүс нутгийн болон олон улсын эдийн засгийн том төв, дэвшилтэт технологи ба инновацийн лидер болж хувирах аж. Мөн ард иргэдийнхээ амьдралын түвшнийг дээшлүүлэх, төр ба хувийн салбарыг сайжруулах, гадаадын шууд хөрөнгө оруулалтыг нэмэгдүүлэх, ирээдүй үеүдийнхээ гэрэлт ирээдүйг бүрэн хангах зэрэг зорилтоо хэрэгжүүлэх юм байна. 50 шинэ төсөл хэдэн гол салбарыг хамарчээ, эдийн засаг, бизнес, цахим эдийн засаг, сансар, тэргүүний технологи....  “Бид мэдлэгийн эдийн засгийн хөгжил, эх орноо зохиогчийн төслүүдийн лаборатори болгохын төлөө, түүнчлэн даяаршсан амжилтад хүрэхэдхамаг хүчин чармайлтаа чиглүүлнэ” хэмээн тус орны Дэд ерөнхийлөгч, ЕС, Дубайн эмир, шейх Мохаммед ибн Рашид Аль Мактум мэдэгдлээ. 
Энэ 50 төсөлд багтсан "Өдөрт 100 программист бэлдэж жилийн дараа 36500 шинэ мэргэжилтэнтэй болно" санаачилгын талаар манай сайт өмнө хүргэсэн: http://massnews.mn/a/1488  Өөр нэг хөтөлбөрөө арабууд "10x10" гэж нэрлэжээ. Хөтөлбөрийн хүрээнд АНЭУ өөрийн орны экспортыг дэлхийн 10 гол зах зээл дээр жил бүр 10%-иар нэмэгдүүлэхээр төлөвлөсөн. Энэ 10 орон бол: Хятад, Их Британи, Нидерланд, Итали, Орос, Польш, Люксембург, Австрали, Шинэ Зеланд, Индонези. “Ирэх 50 жилд АНЭУ маань хөрөнгө оруулалт, эдийн засгийн бүтээлч даяаршсан орон болж хувирна, бизнесийн инкубатор ба технологи, инновацийн туршилтын тэргүүлэгч полигон болно. Манай 50 төсөл цахим эдийн засаг ба хаалттай мөчлөгийн эдийн засаг, хиймэл оюун дээр суурилсан салбаруудад хөрөнгө оруулахад түлхэц өгнө” гэж Сайд нарын танхимын Мохаммед бен Абдулла Аль Гергави мэдэгдэв. Арабууд манай гарагийн гол зах зээлүүд болох Англи, Энэтхэг, Өмнөд Солонгос, Индонез, Кени, Этиоп, Турк, Израильтай хамтран ажиллаж өөрийн эдийн засгийн хэмжээг 2 дахин томруулахаар төлөвлөсөн. Тэр бүү хэл энэ 8 оронтой аль хэдийн эдийн засгийн хэлэлцээр байгуулж гарын үсэг зурчихсан. Одоо эдгээр оронтой хийж буй худалдааны хэмжээ 257 тэрбум дирхам, үүнийг жил бүр 40 тэрбум дирхамаар нэмэхээр болжээ.... АНЭУ өөрийн эдийн засгийг эрчимжүүлэн 2030 он гэхэд 1,4 триллион дирхамаас 3 триллион дирхам (816 тэрбум доллар) болгохыг зорьжээ.  
Бусад төслийг тоочвол: Виза олгох шинэ, өөрчлөгдсөн схем, гадаадын хөрөнгө оруулалтыг татах өргөн цар хүрээтэй, цогц кампанит ажлууд, өөрийн орны компаниудыг дэмжих ба үндэсний бүтээгдэхүүнүүдийн чанарыг дээшлүүлэх санаачилга, дэлхийн том эдийн засгуудтай түншлэх, Үйлдвэрлэлийн 4-р хувьсгалыг бүх салбарт дэмжих программ...