Image description
Ард иргэдээ коронавирүсийн эсрэг вакцинжуулалтад хамруулахын тулд АНУ-ын “BooneOakley” агентлаг маш хачирхалтай, шоконд оруулам сурталчилгаа хийжээ. Хойд Каролина мужийн Шарлотта гэдэг томоохон хотын гудамжаар бөөрөн дээрээ “Вакцин бүү хийлгэ” гэсэн том бичиг, оршуулгын товчооны сурталчилгаатай тас хар ачааны машин аялж оршуулгын газарт залрахыг хүмүүст уриалж эхэллээ. “Ер бусын ийм уриа, сурталчилгаа үнэхээр бүгдийн анхаарлыг татаж байна”, “Хар машин зүгээр хотоор сүлжиж давхингаа вакцинжуулалт хэрэгтэй гэж бодогдуулсан” хэмээн хотын оршин суугчид сэтгэгдлээ хуваалцжээ. “Энгийн сурталчилгаа үйлчлэхгүй байгааг би мэдэрсэн. Жишээ нь “Явж вакцин тариул” зэрэг сурталчилгаа зүгээр л бусад зар мэдээтэй холилдож одоо бүр үл тоомсорлож байна. Бид асуудлыг огт өөр өнцгөөс харуулан, хүмүүсийг шоконд оруулж юм бодуулах тийм юм хийхийг хүссэн юм” гэж тус сурталчилгааны агентлагийн эзэн Дэвид Окли ярилаа. Үнэндээ машин дээр бичсэн “Уилморын оршуулгын товчоо” гэж огт байхгүй бөгөөд энэ бичгийн дэргэдэх цахим хаяг бол вакцинжуулалтын заавартай интернэт хуудас юм. Бас “Хэрэв үгүй даруйхан уулзъя” гэсэн оршуулгын товчооны илгээмжтэй гэж байгаа. Хэрэв хэрэглэгч “Дархлаа хийлгэх” гэсэн дээр дарвал тухайн орон нутагт ажиллаж буй вакцинжуулалтын цэгүүдийн хуудаст нэвтрэх ажээ. 
Хойд Каролина муж вакцинжуулалтын үзүүлэлтээр Америктаа хоцорч яваа, энэ мужийн оршин суугчдын 49% нь вакцин хийлгэсэн. Иймээс Эрүүл мэндийн яам, төрийн түшмэд, ажил олгогч нар коронавирүсийн эсрэг вакцинжуулалтад хүмүүсийг хамруулахын тулд шинэ шинэ арга санаачилсаар байна. Тухайлбал, үнэгүй хоол тараах, амруулах, концерт ба спортын арга хэмжээний тасалбар олгох...