Image description

“Цар тахлаас болж дэлхий даяар ядуурлын түвшин нэмэгдсэн. Манай гарагийн 100 сая гаруй хүн ядуурлын туйлд хүрч, 4 тэрбум гаруй хүн бараг нийгмийн халамж, дэмжлэг туслалцаа авч чадахгүй амьдарч байна. Өөрөөр хэлбэл, тэд эрүүл мэндийн тусламж авч чадахгүй бас мөнгө яаралтай хэрэгтэй энэ үед орлогоо хамгаалах боломжгүй байна” гэж НҮБ-ын ерөнхий нарийн бичгийн дарга Антони Гутерреш мэдэгдэв. Тэрбээр энэ мэдэгдлээ Олон улсын валютын сангийн зохион байгуулсан хурал дээр хийжээ. "Цар тахлыг төгсгөж дэлхийн эдийн засгаа тогтвортой, нийтэд нь сэргээн босгохын тулд бид хамтдаа зоримогоор урагш үсрэлт хийх хэрэгтэй. Эрдэмтдийн таамаглалаас үзэхэд манай гарагийн эдийн засаг нөхөн сэргэх явц дундаа орж, Дотоодын нийт бүтээгдэхүүний өсөлт 5%-иас бараг 6% боллоо. Гэхдээ тооны цаана маш том ялгаа бий. Хөгжиж буй олон орон, бүс нутаг их хоцорч яваа. Хөгжингүй эдийн засагтай улсууд өөрийн ДНБ-ий бараг 28%-ийг эдийн засгийн нөхөн сэргэхэд оруулж байна. Арай доогуур хөгжилтэй орнуудад энэ үзүүлэлт 1,8%, багахан ДНБ-ий 2%-иас бага гэсэн үг.... Коронавирүсийн эсрэг вакцины хуваарилалт тэгш бус байгаагийн улмаас дэлхийн сая сая хүнийг үхэл хүлээж байна. Мөн эдийн засгийн уналт үргэлжилсээр олон триллионы алдагдал хүлээх магадлалтай, энэ нь юуны өмнө ядуу орнуудад том цохилт болох байх. Ийм учраас хөрөнгө оруулалтын хэмжээг нэмэгдүүлж тэдгээрийг хямралын уршиг дагаврыг богино хугацаанд даван туулахад, түүнчлэн удаан хугацааны сэргээн босголтод зориулах хэрэгтэй” хэмээн НҮБ-ын дарга Гутерреш онцлон тэмдэглэлээ.