Image description
Арабын Нэгдсэн Эмир улсын Дубай хотод дэлхийн хамгийн том бас “өндөр” бассейн нээгдлээ. “Aura SkyPool” гэж нэрлэсэн энэ том усан сан 210 метр өндөрт байрладаг, эргэн тойрноо бүхэлд нь харах боломжтой, 360 градус. Бассейны ус хашилтаа даван урсах тул хязгааргүй мэт сэтгэгдэл төрүүлдэг аж. Энэ гайхамшигтай усан сан бол Испаний “Sunset Hospitality Group”-н бүтээл. Манай гарагийн хамгийн гайхалтай тус бассейн нь “The Palm Jumeirah” арал дээрх “Palm Tower”-н 50-р давхарт байрлажээ. Эндээс Дубай хот, Персийн булан, Дал модот Жумейр арал тэр чигтээ харагддаг. Бас дэлхий дахинаа алдартай барилгууд Бурж-эль-Араб, Бурж-Халифа, алсыг харагч “Ain Dubai” яг алган дээр тавьсан мэт үзэгдэнэ. Усан сантай террасын нийт талбай 750м2. Хэдэн бүсээс бүрдэх ба тус бүрийн үнэ өөр, 46 доллар ба дээш. Энд мөн баар, дээвэртэй лаундж бий. 
Сонирхуулахад, Дубай хотод он дуустал дахин нилээд хэдэн ийм тансаг бассейн нээгдэнэ. Нэг нь бүр 2 цамхагийн холбосон хүзүүвчид байрлах аж. 
Нэмж өгүүлэхэд, Арабын энэ орон байгалийн баялгаа олборлож эхэлсэн цагаас хүн амдаа тэгш, жигд хуваарилж ирсэн гэж хэлж болно. Ганц жишээ дурдахад, энэ улсын иргэд татвар төлдөггүй. Өөрөөр хэлбэл цалин хөлсөөс татвар авдаггүй, бас бизнес хийж хувиараа ашиг олсон ч татваргүй. Тэр бүү хэл капиталд ч татвар ногдуулдаггүй. АНЭУ-д зөвхөн нефть ба байгалийн хийн салбарын компаниуд бас гадаадын банкууд татвар төлдөг аж. Хамгийн гол нь АНЭУ байгалийн баялгаа олборлохын зэрэгцээ аялал жуулчлалыг хөгжүүлэхэд ихэд анхаардаг. Иймээс алс ирээдүйд байгалийн баялаг, нөөц шавхагдах үед жуулчлалын салбараас төсвөө бүрдүүлж хүн амынхаа амьдралын түвшнийг бууруулахгүй гэж энэ орны эрх баригчид эртнээс төлөвлөжээ. Энэ төлөвлөгөө амжилттай хэрэгжиж тус орон дэлхийн аялал жуулчлалын гол төв болсныг дээр дурдсан усан сан нотолж байна. Байгалийн баялгаа 3,3 саяулаа жигд хүртсэн бол Монгол маань ингэж хөгжих байсан даа? 
Орчуулсан #МЦогзолмаа.