Image description

Цагтаа цалгиж гэдэг шиг явсан М.Энхболдын байгуулсан МАН доторх эзэнт гүрэн нуран унаж өдгөө бат цайз болсон Төв аймагт шинэчлэлийн салхи сэвэлзэж суурь нь хэдийнэ ганхаад эхэллээ. Хэмжээгүй эрхт хаан шиг байсан түүний хувьд эрх мэдэл нь өдрөөс өдөрт хумигдлаа.

Ирж яваа цагийн дууг буцах хүн аялдаггүй гэдэг шиг тэрбээр хэдэнтээ сонгогдож төр түшилцсэн Төв аймгийнхаа МАН-ыг бараг л хувьчлаад, өмчлөөд авчихсан мэт аашилж байсан цаг саяхан. Ямартаа л өмнө нь Төв аймгийн МАН сонгуулийн үр дүнд сонгогдсон төлөөлөгчдийг намын хорооны тэргүүлэгч гишүүдтэй өргөтгөсөн хурал хэмээн 2012, 2016 онуудад намын дүрэм зөрчиж аймгийн дарга, ИТХ-ын даргыг сонгож байсан М.Энхболдын сценари энэ удаа дуусгавар болжээ. Өөрөөр хэлбэл түүний төлөө үйлчилж байсан олон жилийн түүхтэй бүлэглэлд энэ удаагийн МАН-ын удирдлагаас өгсөн чиглэл хүнд цохилт болж,  Төв аймагт шинэчлэлийн салхи сэвэлзэх эхлэлийг тавьлаа. МАН-ын удирдлагууд орон нутгийн намын байгууллагадаа үүрэг чиглэл болгож буй чиглэл нь олон жил нэг даргын сценараар асуудлыг шийддэг байсан цаг ард хэдийн хоцорчээ гэдгийг намын удирдлагуудын өгсөн чиглэл даалгавараас харж болох юм.Тийм ч болохоор МАН энэ удаагийн орон нутгийн сонгуулийн үр дүнд гарсан сонгогчдын болон намын гишүүдийнхээ өмнө Монгол Улсад эрх барьж буй ууган, ардчилалтай нам гэдгээ тод харуулж аймаг нийслэлийн засаг дарга, ИТХ-ын дарга нарыг тухайн аймаг, нийслэлийн МАН-ын хорооны гишүүдийн хурлаар хэлэлцүүлэн дэвшүүлж ирүүлэхийг чиглэл болгосон нь зөвхөн дарга нар асуудал шийддэг байсан хуучин уламжлалыг таягдан хаясан үйлдэл боллоо. Үнэхээр энэ удаагийн намын хурлаар Төв аймаг шинэчлэгдэж М.Энхболдын томилгооны хүүхэлдэй Ж.Батжаргал, Ц.Энхбат нарынх нь хууль бус олон асуудлыг дуусгавар болгох цаг болжээ. Хамгийн наад захын жишээ нь М.Энхболд ахынхаа заавраар хөдөлж, бүхнийг хайрцаглаж, залуусаа дэмждэггүй, өөрсдийнхөө бодлыг намын бодлого гэж ярьдаг. Шүүмжлэлийг сонсдоггүй гэх мэтчилэнгээр намын дотоод ардчилал гэдэг зүйл Төв аймгийн МАН-д огт байдаггүй. Түүгээр ч зогсохгүй сумынхаа намын хороодыг дэмждэггүй, өнгөрөгч сонгуулиар өөрт үйлчилдэг ойр тойрныхоо хүмүүст цалинг нь олгоод бусдыг гадуурхаж хэл ам таталсан явдал ч бий. Алтны уурхайн зөвшөөрөл, тендэрийг будилаантуулдаг ажилдаа гаршсан М.Энхболдын “төөрч төрсөн томилгооны дүү нар” өндөр үнэтэй тендэрийн өрмийг нь шимдэг. Хамгийн сүүлийн жишээ гэхэд Ялгуусан гэдэг ХХК-д Алтанбулагийн чиглэлийн тендэр, Манзушир чиглэлийн тендер дээр маргаан гарсаар байхад улаан нүүрээрээ хамгаалж авч өгсөн гэх зэрэг олон хуудуутай үйлдэлтэй эрхмүүд Төв аймгийн МАН-ын толгойд заларсныг орон нутгийн намын залуус засах цаг хэдийнэ болжээ. М.Энхболдын сүүлчийн “вант улс” болсон Төв аймгийн МАН-д шинэчлэлийн салхи сэвэлзэж, шударга залуусын түүчээгээр солихгүй бол “эзэнгүй төрийн эмгэнэл мэт” аашилдаг увайгүй, дур зоргоороо авирласан улстөрчид нутаг орноо баллаж дууслаа.