Image description

“Франц Улс дахь Ковид-19 вирусын нөхцөл байдал”

Франц Улсад 2020 оны 10 дугаар сарын 27-ны өдрийн байдлаар вирусын халдвар авсан шинэ тохиолдол 33417 /нийт 1198695), нас баралтын тоо 288 /нийт 35541) болж нэмэгдсэн бол эрчимт эмчилгээнд шилжсэн иргэдийн тоо 148 хүнээр /нийт 2918/ өсөв.

Франц Улсын Засгийн газрын байгууллагууд санал солилцож үндэсний хэмжээний бүрэн хөдөлгөөн хязгаарлалтын арга хэмжээг  Пүрэв гарагийн шөнө дундаас авч эхлэж байгаа юм байна. Энэ талаар Засгийн газрын хэвлэлийн төлөөлөгч өчигдөр орой Засгийн газар бусад нам эвсэл, ТББ-уудын төлөөлөлтэй уулзалт хийсний дараа мэдэгдэв. Зарим эх сурвалжуудын үзэж байгаагаар хязгаарлалтын үед бага, дунд, ахлах боловсролын байгууллагууд үйл ажиллагаагаа хэвийн явуулах магадлалтай байна. Энэ талаар Франц Улсын Ерөнхийлөгч Э.Макрон  ард түмэндээ хандаж мэдээлэл хийж, албан ёсны шийдвэр нь мэдээлнэ. Ийнхүү дэлхийн улс орнууд Ковид-19 ийн талаар авах арга хэмжээ, хорио цээрээ чангатгаж эхэллээ.