Image description

Түүхэндээ одоогоос 100 жилийн өмнө 1921 онд их хүрээний хоёр хувьсгалт бүлгэм нэгдэж Монгол Ардын намыг үүсгэн байгуулсан гэдэг. Тэгвэл тун удахгүй 100 жилийн ой дээрээ дахин нэгдэж нийлсний баяраа тэмдэглэж, ойн баярын бялууг Энхбаярын Батшугар гэдэг залуу хүртэхээр болсон тухай яриа нэлээдгүй газар авах боллоо. Сүхээр эхэлсэн баатраар удирдуулж сүхээр төгссөн баатартай 100 жилийн ойн баяраа тэмдэглэх гэж буй МАН нэгэн цагт намаа толгойлж байсан Энхбаярын хүү Батшугар гэдэг залууд СХД-ийн 28 дугаар тойргийг “бэлэглэж”, бялуу хүртээснээр намынхаа хоёр хуваагдлыг эвийн цавуугаар нааж, асуй ерөнхийлөгчийн сонгуульд томоохон тэсрэлт хийхээр төлөвлөсөн нь энэ бололтой. Ялангуяа МАХН-д уг “хоосон” суудлыг бэлэглэж босоо Ганбаа мэтийн хувьсгалчдаар бамбар хийж 100 жилийн ойгоороо МАН засаглалын сэнтийд дангаар ноёрхохыг санаархаж буй ажээ.