Image description
УИХ-ын гишүүн Ц.Сандаг-очир, Багануур дүүргийн Засаг дарга С.Даваасүрэн, Багануур ХК -ийн Гүйцэтгэх захирал Г.Номинчулуун нарын албаны хүмүүс яагаад тусгаарлагдахгүй, хариуцлага тооцохгүй байгаад жирийн иргэд гайхах болжээ. Учир нь УИХ-ын гишүүн УИХ-ын гишүүн Ц.Сандаг-очир болон бусад албаны хүмүүс  эрхэлсэн ажилдаа олон жил үр бүтээлтэй ажилласан иргэдийг төрийн дээд одон медалиар шагналаа. Гэтэл шагнал гардуулах үйл ажиллагааны үеэр Ковид 19-ын халдвартай иргэн байсан гэнэ. Харамсалтай нь дээрх эрх мэдэлтнүүд 21 хоног тусгаарлалтад орох нь бүү хэл уг шагнал зохион байгуулсан үйл явцаа нуун дарагдуулсан гэнэ. НОК-оос Багануурын Онцгой комиссынхон болон Дүүргийн ЗД-д халдвартай иргэний мэдээллийг утсаар урьдчилан мэдэгдээд байхад л шагналын арга хэмжээ зохион байгуулаад зогсохгүй/шагнуулсан хүний нэг нь ковидтой бсан/, 2017 оны А01 тушаал зөрчиж Засаг даргын албан өрөөнд архидацгаасан байна. Багануурт өнөөдөр тохиолдлын тоог 5 гэж мэдээлж байгаа ч бодит нөхцөл байдлаас хол, Багануур дүүрэг болон уурхай удирдлагагүй болж, үйл ажиллагаа нь хүндэрсэн гэж эх сурвалж хэлж байна. 
Иргэд 21 хоног тусгаарлагдаж, шахуулж шаардуулалгүйгээр шинжилгээгээ өгч, хорио цээрийн дэглэмийг ягштал мөрдөж байна. Харин эрх мэдэлтнүүд л өөрсдийн гаргасан дүрэм журмаа зөрчиж бусдыг эрсдэлд оруулж байна.. Түүнчлэн Багануур бол Зүүн бүсийн цахилгаан түгээх төв. Түгээлтийн олон ажилтан ойрын аймгуудад очиж ажилладаг. Төв, Хэнтийн олон сумд, Налайх дүүрэг нүүрсээ Багануураас авдаг. Саяхан л гэхэд  Багануураас 89 хүн Хэнтийн Цэнхэрмандал руу хулгайгаар зорчсон тухай Дүүргийн онцгой комисс ахалдаг Засаг дарга нь ч мэдээгүй сууж байна. Ингээд бодохоор хорио цээрийн дэглэм зөрчсөн  албан тушаалтнуудад хэн хариуцлага тооцох вэ гэдэг асуудал урган гарч ирж байна.