Image description

МАХН-ын удирдлагууд цаг үеийн асуудлаар мэдээлэл хийлээ.


МАХН-ын дарга Н.Энхбаяр “Төрийн тэргүүн сонгох ээлжит сонгуульд МАН-ын дарга У.Хүрэлсүхийг дэмжиж хамтран оролцохоор шийдвэрлэсэн. МАХН, МАН-ын нэгдэл гэрээн дээр тулгуурласан. Энэ гэрээг өнгөрөгч дөрөвдүгээр сарын 29-нд гарын үсгээ зурж баталсан. Бид энэ асуудлыг олон жил ярьж ирсэн. Олон талаас нь ярьсаар нэгдэ нь зүйтэй гэж үзсэн.

Ингэхдээ хоёр том асуудал дээр тохиролцоонд хүрсэн. Нэгдүгээрт жирийн гишүүдийн дунд хэлэлцүүлэг явуулсан. Хоёр намаас гаргасан ажлын хэсэг хамтарсан уриалга гаргасан. Хамтарсан уриалга дотор 10 том зорилтыг дэвшүүлсэн. Намын гишүүд энэ уриалгыг дэмжсэн. Тус уриалгад үндэслэн гэрээ байгуулсан. Гэрээнд нэгдэн нийлэх үйл явцад ямар том асуудлуудыг оруулахыг хэлэлцсэн. Бид шинэ Үндсэн хуультай болох талаар санал бодлоо солилцож байна. Хоёрдугаарт, Байгалийн баялаг ард түмний өмч байх ёстой гэж үзэж байгаа. Гуравдугаарт, нийгмийн чиг баримжаатай Бүгд найрамдах улсыг байгуулна гэсэн зарчим бий.

Дэлхийн хамгийн хөгжилтэ улсууд ямар улс байгуулахаа Үндсэн хуульдаа бичсэн байдаг. Үүн дээр нийгмийн чиг баримжаатай лс байгуулна гэж заасан байдаг.

Энэ нь залуусаа боловсролтой, нарийн мэргэжилтэй болгох, ажлын байр бий болгох тал дээр төр засаг туслах, хөдөлмөрийн шинээр үнэлэх ёстой гэж ийм зарчмыг оруулж байгаа” гэлээ. Тэрбээр мэдээллийнхээ дараа сэтгүүлчдийн асуултад хариулав.

-Ерөнхийлөгчийн сонгуульд ялагдвал хоёр намын хамтын ажиллагаа үргэлжлэх үү?

-Сонгуулийн дүн ямар гарахыг ард түмэн шийднэ. У.Хүрэлсүхийн давуу тал нь хэлсэндээ байдаг хүн. Бид гэрээгээ хэрэгжүүлэхийн төлөө явна. 

-Хоёр нам нэгдэхэд МАХН УИХ-ын нөхөн сонгуулийн тойрог, хоёр сайдын суудлаар тохирсон гэсэн. Үүнд тайлбар хийхгүй юу?

-Хоёр биш гурван яам тохирсон гэж яригдаж байгаа. Гэхдээ бидэнд тохирсон зүйл байхгүй. Манайд Ж.Эрдэнэжамъян, Н.Удвал, Б.Тулга гээд шилдэг боловсон хүчин байгаа. Хоёр нам нэгдэж байхад би ямар ч удирдах зөвлөлд орохгүй. Нөхөн сонгуулийн тойргийн хувьд хэн ялах магадлалтай нь байна, тэр хүн нэр дэвшинэ. Тэр хүн хэн байхыг одоогоор яриагүй. Шинээр бий болж байгаа том намын ямар нэг сонгуульт ажилд би орохгүй гэж бодож байгаа. 

-УИХ-ын гишүүн С.Ганбаатар АН-д элссэн тухайд...?

-С.Ганбаатар МАХН-ын дэд дарга. Нам гэдэг бол баг. Баг гэдэг утгаараа тэр намтайгаа хамтраад хийсэн зорилгоо хэрэгжүүлье. Тэр нам УИХ дээр 62 гишүүнтэй, Засгийн газраа дангаараа барьж байгаа. АН-тай хамтраад үзэл баримтлал, үүх түүх, үнэт зүйл өөр. Үндсэн хуулийн өөрчлөлтийг хийхгүй гээд эргэлзэж байгаа. Тэгээд ялах магадлал багатай, хоорондоо хагаралдсан гэсэн. Харамсалтай нь манай хүнд одоогийн Ерөнхийлөгч Х.Баттулга их нөлөө үзүүлж, байгаа. С.Ганбаатарыг алдаатай зүйл хийсэнд бид харамсаж байгаа. Х.Баттулга Ерөнхийлөгч юмны ард нуугдаж, хагардуулж байгааг шүүмжилж байгаа. Өөрийнхөө намыг удирдаж чадахгүй мөртлөө манай нам руу орж ирж хагаралдуулж байгаад шүүмж байгаа.