Image description
Орос улсын үндэсний цөөнх болсон буриадууд соёлын баяраа хийхээр төлөвлөж байгаа тухай Эрхүү мужийн амбан захирагч Игорь Кобзев мэдэгдлээ. Сур харваан гэж нэрлэсэн энэ наадмыг Усть-Ордын Буриад тойрогт 6 сарын 24-26-ны хооронд зохион байгуулахаар болжээ. Сур харвааны хүрээнд 10 төрлийн спортын арга хэмжээ болох юм байна. Үүнд буриад бөх, буриад сур харваа, морин спорт, шагайн наадам, хөнгөн атлетик, хөлбөмбөг, ачаа өргөлт, волейбол, шатар, даам багтжээ. Коронавирүсийн Цар тахлын улмаас өнгөрсөн онд энэ наадам явагдаагүй. 2021 оны Сур харваан Эрхүү мужийн Новонукутск тосгонд болно. Энэ үеэр буриад бөхийн үзэсгэлэн гаргана, түүнийг мөн виртуаль хэлбэрээр зохион байгуулах аж. Түүнчлэн “Хүчирхэг Байгалийн ойролцоо” хэмээх жүжигчилсэн тоглолт болж 300 орчим хүн оролцоно, мөн бүжгийн тэмцээн явуулж шилдгээ шалгаруулна гэж Оросын Эрхүү мужийн ЗГ, амбан захирагчийн Хэвлэлийн алба мэдээлжээ.