С.Баярын нууц хөрөнгийн учиг оффшороос тайлагдав уу

Нууц эх сурвалжийн илчилсэн оффшор дансны нууц мэдээлэл дотор Нандин, Бадамханд зэрэг монгол нэртэй хүмүүсийн мэдээлэл багтсан нь С.Баярын АНУ-д амьдардаг охидын нэртэй давхцаж байна. Мөн Б.Нандин гэх хүний хоёр ч дансанд Энрико Дел Каса гэх испани нэртэй хүн хамтрагчаар бүртгүүлжээ. Мэдээллээс үзэхэд тэд Линнок Холдинг корпорациас хувь эзэмшдэг аж.

Харин Б.Бадамхандын хувьд Багамын аралд байрлалтай Гоулд Уеллен Инк. компанийн нэр дээр дөрвөн ч данстай байна. Дашрамд сонирхуулахад, УИХ-ын гишүүн Г.Уянга Ерөнхий сайд асан С.Баярын АНУ дахь долоон байшин гэх баримтыг өнгөрсөн хугацаанд ил болгосон. Түүний зүгээс Ерөнхий сайд асан С.Баярын АНУ-д бүртгэлтэй долоон тансаг хувийн хаусийн талаарх дэлгэрэнгүй баримт, судалгаатай 120 хуудас мэдээлэлтэй хамт цахим сүлжээнд цацсан юм. Уг баримт дотор С.Баярын анхны эхнэр О.Гэрэлтуяа, охин Б.Нандин, Б.Хонгор, Б.Бадамханд, шинэ найз бүсгүй Э.Сувд нарын нэр дээр бүртгэлтэй хаусуудын талаарх мэдээлэл багтаж байсан юм. Эдгээр байшингуудын үнэ нийлээд 24 тэрбум төгрөг бөгөөд бүгд гурван давхар, олон унтлагын өрөөтэй тансаг зэрэглэлийн байшингууд. Харин С.Баярын тухайд дээрх мэдээллийг үндэслэлгүй гүтгэлэг хэмээн тухайн үед няцааж байлаа.Тэгэхээр  үнэн худал нь мэдэгдэхгүй тэр их хөрөнгийн учир гогцоо эндээс тайлагдах болж байна. Аргагүй л С.Баяр юм даа. 


Нийтэлсэн: 2016-05-10 16:14:00

Сэтгэгдэл бичих

АНХААРУУЛГА: Уншигчдын бичсэн сэтгэгдэлд massnews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.


Видео мэдээ