Швейцарийн Давос хотод эдийн засгийн чуулган болж байгаа билээ. Дэлхийн 17 орны саятнууд, тэрбумтнууд нийлж улстөрчдөд хандан өөрсдөд нь илүү их татвар ногдуулахыг гуйсан тухай “Daily Star” сонин мэдээллээ. Ил захидалд Валери Рокфеллер, Эбигейл Дисней, Английн жүжигчин Брайан Кокс, Саймон Пегг нарын 250 гаруй баячууд гарын үсэг зурсан байна. “Хэт баян хүмүүст шинэ татвар ногдуулах ёстой. Эд баялгийн шинэ татварын ачаар төрийн үйлчилгээ дэлхий даяар илүү чанартай болох ёстой..... Тэгш бус байдал эргэлтийн цэгт хүрлээ. Бид одоо л хөдлөх ёстой. Шинэ татвар ногдуулсны дараа нийгмийн хамгийн баян хүмүүсийн амьдралын түвшинд онц өөрчлөлт гарахгүй, манай хүүхдүүд ч нөлөөлөхгүй, улсын маань эдийн засгийн хөгжилд хор хөнөөл учрахгүй.... . Үүний зэрэгцээ хувийн эд баялаг нь олон нийтийн ардчилсан ирээдүй болж хувирах юм” хэмээн тэрбумтнууд, баячууд мэдэгдэв.
“Daily Star” сонины нийтлэлд “Тэрбумтнууд, саятнуудын дунд асуулга явуулахад 74% нь хямралыг давж төрийн үйлчилгээг сайжруулахын тулд шинэ татвар бий болгохыг дэмжсэн” хэмээн дурджээ. 
“Бид 2-р алтан зуунд амьдарч байна. Тэрбумтнууд эд баялаг, асар их хөрөнгөө улстөрийн эрх мэдэл, нөлөөтэй болоход ашиглаж байна, үүний зэрэгцээ ардчилал ба даяаршсан эдийн засгийг үгүй хийж байна... Хэрэв төрийн албан тушаалтнууд их мөнгө хуримтлагдахын эсрэг тэмцэхгүй юм бол уршиг дагавар нь маш аймшигтай байх болно” хэмээн 77 настай Брайан Кокс мэдэгдлээ.