“2023 оны 4-р улирлын байдлаар Япон орны эдийн засаг сүүлийн 5 жилд анх удаа буурлаа. Бодит ДНБ-ий уналтыг улирлаас үл хамааран авч үзвэл 10-12 сард 0,1% унасан бол харин 7-9 сард энэ үзүүлэлт –0,8% байлаа” хэмээн тус улсын Статистикийн алба мэдээлжээ. Японы эдийн засаг өмнө нь 2018 оны 3 ба 4-р улиралд, 2001, 2008, 2009, 2012 онд буурч байсан юм. 2 улирал дараалан ийнхүү ДНБ багасныг техникийн бууралт гэж шинжээчид, мэргэжилтнүүд дүгнэжээ. Энэ нь голдуу хүн амын болон төр засгийн хэрэглээ буурснаас үүдэлтэй аж, улмаар борлуулалт багасч ажиллах хүчний эрэлт ч буурдаг юм байна. 
2023 оны дүнгээс үзэхэд дэлхийн эдийн засагт эзлэх Японы байр 1-ээр ухарлаа. Одоо Герман улс дэлхийд 3-д жагсч харин Япон 4-р байр луу буув. Японы ДНБ 4,21 триллион доллар бол Германых 4,46 триллион  доллар болжээ.