АНЭУ-ын Абу-Даби хотын “SeaWorld Yas Island” далайн парк 2023 онд нээгджээ. 5 давхар өндөр, 183000 м2 талбайтай энэ паркад далай тэнгисийн амьдралыг үзэж сонирхохоос гадна эх байгалиа хамгаалах сургалтад хамрагдаж болно. “SeaWorld Yas Island” океанирум энэ жил Гиннесийн дээд амжилтын номонд багтаж чадлаа. Тус парк нийт 8 хэсгээс бүрддэг: “Abu Dhabi Ocean”, “One Ocean”, “MicroOcean”, “Endless Ocean”, “Tropical Ocean”, “Rocky Point”, “Polar Ocean” (энэ хэсэг дотроо Арктик ба Антарктид гэж хуваагддаг). Акул, дельфин, скат, яст мэлхий, далайн морь, халиу зэргээс гадна халуун орны шувууд ч энд бий. Түүнчлэн тус паркт дельфины шоу явагдах ба хүсвэл өөрсдөө далайн амьтдыг хооллож болно. Тэр бүү хэл дотуур нь чөлөөтэй явж паркийн ажилчидтай уулзахыг ч зөвшөөрдөг. “SeaWorld Yas Island” паркийн газарт 17 ресторан ажиллаж швед ширээнээс өгсүүлээд тансаг хоол санал болгодог юм байна. Энд 13 дэлгүүрээр үйлчлүүлж дурсгалын зүйлс худалдаж авах боломжтой.