Өмнөд Азид оршдог Бангладеш улсад агаарын хэм зарим нутагт Цельсийн 43,7 градус хүрч халжээ. "Их халууны улмаас 10 хүн наранд цохиулж нас барсан. Энэ тоо цаашид ч нэмэгдэх шинжтэй" хэмээн тус орны Эрүүл мэндийн яам мэдэгдлээ. Мадарипур, Чуаданг, Кхулна, Хабиганж, Ражбари, Дженайд, Лалмонирхат, Бандарбан, Читтагонге мужуудад нас барсан тохиолдол бүртгэгджээ. “Энэ дулааны урсгал 31 өдөр дараалан бүртгэгдсэн, дахин хэдэн өдөр үргэлжлэх төлөвтэй. Чуадангт 43 градус халсан, мягмар гарагт бүр 43,7 градус хүрсэн. Ийм их халуун өмнө нь манай улсад ганц удаа тохиосон билээ. Түүнчлэн Даккад 38,6 -40,5 градус халлаа” хэмээн Цаг уурын товчоо мэдээлэв.