Энэтхэг улсад сүүлийн 3 сарын турш аагим халуун уур амьсгал нүүрлэж 50 гаруй хүн амиа алдсан тухай “The Hindustan Times” мэдээллээ. Хамгийн олон буюу 46 нь 5-р сард нас барсан аж. Энэтхэгийн төв хэсэг Мадхья-Прадеш мужид хамгийн олон үхэл (14) бүртгэгдсэн, дараа нь Махараштра (11). Түүнчлэн Андхра-Прадеш, Ражастхан мужуудад хүмүүс халууны улмаас амь үрэгдсэн юм байна. Ер нь 3 сарын 1-нээс хойш наранд цохиулсан гэсэн шинж тэмдэгтэй нийт 24,8 мянган хүн эмнэлэгт хэвтсэн, тэдний 19,2 мянга нь 5 сард хэмээн албаны хүмүүс ярилаа.
“Өнгөрсөн 7 хоногт Энэтхэгийн түүхэнд байгаагүй гоц халуун бүртгэгдэж нийслэл хот Делид 52,9 градус хүрчээ. Ер нь их халууны 3 “давалгаа” бүртгэгдлээ. 4 сарын 5-7-ны өдөр Энэтхэгийн зүүн ба зүүн өмнөд нутагт, харин  4 сарын 15-30-нд өмнөд нутгаар, 5 сарын 1-7-нд зүүн нутгаар аагим халуун болсон” гэж Энэтхэгийн цаг уурчид мэдээллээ.