“Эрдэмтэд анх удаа Саран дээрээс агуй илрүүллээ. Саран дээрх хамгийн нам доор газар үргэлжилсээр 77 м урт, 45 м өргөн агуйд хүргэсэн.... Сарны Амар амгалангийн далайд орших кратерт орших энэ гүн агуйд амьд биетүүд (хүмүүс) амьдарч сансрын амаргүй, хүнд хэцүү нөхцлөөс аврагдсан байх магадлалтай. Ирээдүйд хүмүүс Сарны гадаргуугийн хатуу ширүүн нөхцлөөс тэнд хоргодож Сарны бааз барих боломжтой. Тэгж байж л хүмүүс Сарыг удаан хугацаагаар судалж чадна” хэмээн “Nature” эрдэм шинжилгээний сэтгүүлийн нийтлэлд дурджээ.
“Италийн одон орны судлаачдын энэ нээлт Сарыг эзэмших төлөвлөгөөнд өөрчлөлт оруулж магадгүй. Леонардо Каррера, Лоренцо Бруццоне нараар ахлуулсан эрдэмтдийн баг 2010 онд “NASA” -гийн гараг хоорондын станц “Lunar Reconnaissance Orbiter”-н (LRO) авсан зургуудыг судалж анализ хийсний хийсний дараа гадаргуу доор 100 м гүнд том хөндий орон зай (агуй буюу их урт хонгил) байгааг тогтоосон юм байна. Амар амгалангийн далайд орших агуй үнэндээ АНУ-ын “Аполлон 11” сансрын хөлөг буусан газраас холгүйхэн... Энэ газар радиаци ба солир, температурын эрс өөрчлөлтөөс найдвартай хамгаалах тул Сарны бааз байрлахад төгс зохицно, бүхэл бүтэн колони байршуулж болно” гэж “TechCrunch” мэдээлэв.
Харин “Nature Astronomy” сэтгүүл энэ тухай “Сарны хонгилын тухай онолыг олон он жилийн турш ярьсан, харин энэ нээлт түүнийг бодитоор оршиж буйг баталлаа. “NASA” болон хувийн компаниуд одоо Саран дээр хот суурин барих төлөвлөгөөгөө өөрчилж тэнгэрийн энэ биетийг судлах, Сарны агуйг эзэмших технологид их анхаарал хандуулах байх гэж шинжээчид таамаглаж байна” хэмээн бичжээ. 
#МЦогзолмаа орчуулав.