Image description

Оюутолгойн гэрээний асуудлаар хүчтэй дуугардаг УИХ-ын гишүүн С.Ганбаатар өөрийн цахим хуудаснаа Л.Оюун-эрдэнийн тэргүүлсэн Засгийн газар монголын ард түмний талд байгаад талархалтай хандаж байгаа талаарх сэтгэгдэлээ хуваалцсан юм.  Оюутолгойн ажлын хэсгийн ахлагч УИХ-ын гишүүн С.Ганбаатарын хэлснийг товчлон хүргэе. Тэрбээр “Үе үеийн Засгийн газрын туршид Рио тинто монголын Засгийн газраар тоглодог байсан. Харин Ерөнхий сайд Л.Оюун-Эрдэнийн Засгийн газар анх удаа өнөөдөр Оюутолгойтой, Рио Тинтотой монголын эрх ашгийг эн тэнцүү ярьж байгаа нь маш том асуудал юм. ХЗДХ-ийн сайд Х.Нямбаатараар ахлуулсан ажлын хэсэг сөрөг нэхэмжлэл явууллаа. Энэ бол олон хүний хүч хөдөлмөр. Мөн ард түмний олон жилийн хөдөлмөр гэж харж байна. Монголын төлөө дуугарах гэсэн Засгийн газар болгоныг Рио Тинтогийн “тэжээвэр”-үүд хүрч ирж амыг нь барьдаг. Засгийн газрыг ялих шалихгүй юмаар унагаадаг. Оюутолгойн талаар ярьсан монголын ард түмэнтэй хамт байдаг Засгийн газрыг зогсоох гэж оролдож ирсэн. Тиймээс энэ тал дээр асар болгоомжтой байгаарай гэдгийг захиж хэлье.

Монголын Засгийн газар, тэр дундаа Ерөнхий сайд Л.Оюун-Эрдэнийн Засгийн газар ард түмний талд байна. Анхны нааштай хувилбарууд гарч ирлээ. Иймээс сөрөг нэхэмжлэлээсээ татгалзах, зарим асуудалд ойлголцох, зөвшилцөх ямарч асуудал байхгүй шүү. Атгасан барьцаа улам ахиулах ёстой.  Нөгөө талаар гол анхаарах зүйл гэвэл, та бүхний ард УИХ-ын түр хороо Б.Бат-эрдэнэ, Ц.Даваасүрэн гишүүдээр  ахлуулсан түр хороо, хүчтэй УИХ дэмжиж байна. Монголын ард түмэн энэ асуудалд хүчтэй дэмжиж байгаа гэдгийг ойлгож, зоригтой дайраарай. 17 жил тэднийг сайн мэддэг боллоо. 17 жил Рио Тинтогийн тэжээвэр монгол улстөрчид асар их толгой угаалаа. Рио Тинто муу биш юм шүү. Рио тинтогийн тэжээвэр монгол улстөрчид асар их хор хөнөөлтэй юм. Оюутолгойн гэрээ бол дан ганц техникийн асуудал биш. Үүнээс илүүтэйгээр энэ бол ёс суртахууны алдаа монголд байна гэдгийг харуулж байгаа юм шүү дээ. Тийм болохоор энэ асуудал дээр зоригтой байгаарай. Та бүхнийг Монголын ард түмэн хамгаалж дэмжиж байна онцгойлж хэлье. Улам барьцаа ахиулж, гардаж ороорой. Рио Тинтогийн 15 банкны ломбардад монголыг тавьсан байгаа байдлыг таслан зогсоох түүхэн анхны алхам хийгдэж байна. Тиймээс ажлыг хэсэг дээр техникийн шийдлүүдийн талаар түр хорооны УИХ-ын гишүүдтэй зөвлөлдөж ярьж хэлэлцээд нэгтгээд цаасаар өгнө. Энэ дээрээс нааштай сайн үр дүн гарна гэдэгт би итгэлтэй байгаа” шүү гэсэн юм.