Image description
Бразили улсын Конгресс өөрийн ард иргэдээ бөөнөөр хоморголон хөнөөсөн хэрэгт Ерөнхийлөгч Жаир Болсонарыг буруутгаж байгаа тухай “CNN Brasil” дамжууллаа. Ганц Ерөнхийлөгч төдийгүй түүний Засгийн газрын гишүүдийг ч энэ хэрэгт хамааруулан буруутгаж байгаа аж. Бразилийн Сенат лхагва гарагт коронавирүсийн Цар тахлын эсрэг авч явуулж буй Засгийн газрын алхам шийдвэрүүдийг хянаж шалгасан тайланг авч хэлэлцэнэ. Ерөнхийлөгч Болсонар өөрөө Цар тахлын үеэр коронавирүсийн эсрэг вакцин хийлгэхгүй гэж зөрүүдлэн, яаж авирлаж ямар алхам үйлдэл хийж байсныг ч авч хэлэлцэн, түүнийг хүн амаа бөөнөөр хоморголон устгасан хэмээн буруутгахаа Үндэсний Конгрессийн нэг комисс зарлажээ. “CNN Brasil” энэхүү илтгэлийн нооргийг олж авсан ажээ, түүнд дурдсанаар Болсонар ба ЗГ-ын түшмэд хүн амын дунд “сүргийн дархлаа” үүснэ гэж найдан үхлийн аюултай коронавирүсийг улам тархааж түгээсэн гэжээ. Тухайлбал, ковидоор өнгөрсөн хүмүүсийн тал нь зөвхөн тэдний хариуцлагагүй, ухаан муутай, алсын хараагүй бодлогоос болж нас барсан гэж илтгэл бичсэн гишүүд үзэж,  үүнтэй холбоотойгоор эрх баригчдаа аллага үйлдсэн хэмээн ял тулгахыг хүсчээ. Түүнчлэн “Чухам ЗГ-ын хандлагаас болж улс орон даяар коронавирүсийн халдвар хурдан тархаж асар олон хүн өртөж шаналж зовж байгаа. Халдварыг байгалийн замаар тархааж хүн амаа зориуд ийм байдлаар дархлаатай болгох санаа агуулсан” гэж хүртэл илтгэлд өгүүлсэн байна. Тэр бүү хэл нэмж 69 этгээдэд эрүүгийн хэрэг нээж шалгах зөвлөмж хүртэл 1200 хуудастай тус илтгэлд бий, жишээлбэл Ерөнхийлөгч Болсонарын 3 хүү, ЗГ-ын экс болон өнөөгийн гишүүд.... 
212,6 сая хүн амтай Бразили улсад “COVID 19”-өөс болж 600 мянга гаруй хүн нас барсан, энэ үзүүлэлтээр тус орон АНУ-ын дараа дэлхийд 2-т яваа.