Image description
ОХУ  10-р сарын 30-наас 11-р сарын 7-ны өдрүүдийг амралтын өдөр болгон зарласан нь хилийн боомтуудын үйл ажиллагаанд нөлөөлөхгүй гэдгийг тус улсын албаны эх сурвалжууд мэдээлээд байна. Өөрөөр хэлбэл Монгол, Оросын хилээр зорчих иргэд хоёр улсын холбогдох байгууллагуудаас урьдчилан зөвшөөрөл авсны үндсэн дээр хил нэвтрэх зохицуулалт хэвээр үргэлжлэх юм байна. Тухайлбал, Алтанбулаг, Цагааннуур боомтоор ачаа тээврийн хөдөлгөөн хэвийн байгаа аж. Хамгийн сүүлийн үеийн мэдээллээр 10-р сарын 26-ны өдөр Алтанбулаг боомтоор 80 тээврийн хэрэгсэл, Цагааннуур боомтоор 36 тээврийн хэрэгслийг нэвтрүүлсэн байна. Дашрамд сонирхуулахад манай улс нь ОХУ-тай Хилийн Цагааннуур авто замын боомт,  Боршоо авто замын боомт,  Тэс авто замын боомт,  Арцсуурь авто замын боомт, Ханх авто замын боомт, Ульхан авто замын боомт,  Эрээнцав авто замын боомт, Эрээнцав төмөр замын боомт, Алтанбулаг авто замын боомт, 
Сүхбаатар төмөр замын боомтоор тус тус хиллэдэг билээ.