Image description
Английн “Premier League”-ийн 14 дэх удаагийн тэмцээнд “Манчестер Юнайтед” хөлбөмбөгийн клуб “Арсенал”-н эсрэг тоглож 3:2 харьцаатай яллаа. Энэ үеэр “Манчестер Юнайтед” багийн довтлогч, Португалийн тамирчин Криштиан Роналдо өөрийн 800, 801 дэх гоолоо оруулав. Энэ бол түүний “Манчестер Юнайтед” багт тоглохдоо нөгөө багийн хаалганд хийсэн 130 дахь бөмбөг. Роналдо ийнхүү мэргэжлийн хөлбөмбөгийн түүхэнд хамгийн олон гоол оруулсан анхны тоглогч болон тодорлоо. 36 настай Роналдогийн гоолыг тоочвол: “Манчестер Юнайтед” клубт 130 гоол, Мадридын “Реал” багт 450 гоол, Турины “Ювентус” багт байхдаа 101 гоол, Лиссабоны “Спортинг” багт тоглохдоо 5 гоол. Ер нь Роналдо олон дээд амжилт тогтоосон хөлбөмбөгчин, тухайлбал шилдэг довтлогч, Евро клубын тэмцээнд хамгийн олон удаа оролцсон.....
Харьцуулахад, домогт Пеле мэргэжлийн хөлбөмбөг тоглож байхдаа 757 гоол, Чехийн Йозеф Бицан 759 гоол хийжээ. Харин нийт гоолын тоогоор мэдээж Пеле тэргүүлдэг. Тэр өрсөлдөгч багуудын хаалганд 1281 гоол оруулсан ч Гиннесийн дээд амжилтын номонд 1279 гэж бүртгэж авсан юм. Яагаад гэвэл, Пеле мэргэжлийн спортоо орхилоо гэж зарласны дараа “Сантос” багийн үзүүлэх тоглолтод 2 гоол оруулсан юм байна. Харин Ромарио 1000 гоол оруулсан.