Image description

- Эрүүл мэндийн яам, Нийгмийн эрүүл мэндийн үндэсний төв, Дэлхийн эрүүл байгууллага хамтран зорилтот Дархан-Уул, аймаг, нийслэлийн Сонгинохайрхан дүүргийн 27, 9, 24, 15, 30, 23, 1, 26-р хороодын ӨЭМТөвүүдэд “Халдварт бус өвчин/Зүрх судасны өвчнөөс урьдчилан сэргийлэх, хянах тусламж, үйлчилгээний зайлшгүй шаардлагатай багцыг эрүүл мэндийн анхан шатны тусламж, үйлчилгээний түвшинд нэвтрүүлэх MOНГПЕН загвар” төслийг 2018 оны 6-р сараас эхлэн хэрэгжүүлж байна:

- “Ковид-19” халдварын эрсдэл өндөртэй байгаа өнөө үед  НЭМҮТ-ийн ЭМДӨУСА-ны дарга, мэргэжилтнүүд 2020 оны 7-р сарын 30-ны өдөр Сонгинохайрхан дүүргийн 10-р хорооны ӨЭМТ-д дэмжлэгт хяналт хийв. Өрхийн эрүүл мэндийн төвийн их эмч Б.Өсөхбаяр, Б.Отгон нар цусны даралт өндөртэй хяналтын иргэд Л.Нарангэрэл, Ж.Жаргал, С.Баяртогтох нарын гэрээр тусламж үйлчилгээ хэрхэн үзүүлж байгаатай танилцаж, гарч байгаа үр дүн, цаашид шийдвэрлэх асуудлыг хэлэлцэн ажиллав✔️ 

- Төслийн үр дүнгээс дурьдвал: Цусны даралт ихсэлт оноштой иргэн Ж.Жаргал эмчийн байнгын хяналтад сэтгэл хангалуун байгаа бөгөөд эмчийн зөвлөгөөг биелүүлснээр жингээ 92-оос 85 кг хүртэл хасаж, давсны хэрэглээгээ бууруулсан тухай мөн өдөрт татах янжуурын тоогоо багасгасан тухайгаа ярив. 

- Түүнчлэн зүрх судасны өвчлөлийн хяналт сайжирч, уг өвчлөлөөс урьдчилан сэргийлэх, эрт илрүүлэх, эрсдэлийг бууруулах, эмчилгээний зөв сонголт, системтэй зөвлөгөө өгөх зэрэг үр дүн гарч, анхан шатны тусламж үйлчилгээ цахимд бүрэн шилжиж байгаад төслийн гол ач холбогдол оршино✔️

Нийгмийн эрүүл мэндийн үндэсний төв