Image description

Испаний хаант улс даяар ажлын 4 өдөртэй болох саналыг анх зүүний чиглэлийн “Mаs Pai” нам гаргажээ. “Одоо улс орон даяар бэлтгэл ажил явагдаж байгаа. Ажлын 4 өдөртэй болох төслийг 2022 оноос хэрэгжүүлэхээр болсон” гэж тус орны Аж үйлдвэрлэлийн яам мэдээлснийг “Confidencial” дамжуулав. Туршилтын эхний шатанд голдуу жижиг, дунд бизнес эрхэлдэг 200 компани оролцоно. Хамрагдах ажилтны тоо 3000-6000 орчим байна. Юуны өмнө уг төсөлд программчлал, өмгөөлөл, консалтинг, теле маркетинг, архитектурын салбараас сонгон оролцуулах аж.


 Зүүний чиглэлийн “Mаs Pai” намын санал болгосноор эхний үе шатанд бүх зардлыг төр 100% даах ёстой гэнэ, харин дараа дараачийн шатанд 50% ба 33% гэж бууруулах юм байна. Испаний Аж үйлдвэрлэлийн яам “Энэ шинэ төсөлд 50 сая евро шаардагдана, зардлыг Европын холбооноос авахаар төлөвлөж байгаа, тиймээс энэ санаачилга 2022 оноос өмнө хэрэгжихгүй байх” гэж тайлбарлажээ. 

Нэмж өгүүлэхэд, Испанид коронавирүсийн халдвар авсан нийт хүний тоо 3,3 сая, нас барагсад 75,9 мянга болжээ. Энд одоогоор 43,5 сая хүнд ковидын тест хийгээд байна.