Португалийн тамирчин, “Аль-Насра” багийн довтлогч Криштиан Роналоо дэлхийн спортын түүхэнд бас нэг дээд амжилт тогтоосон тухай Хөлбөмбөгийн түүх, статистикийн олон улсын холбоо (The International Federation of Football History and Statistics, IFFHS) мэдэгдлээ. Роналдо мэргэжлийн түвшний 1000 тэмцээнд ялагдалгүй тоглосон анхны хөлбөмбөгчнөөр тодров. Азийн аваргуудын лигийн тэмцээний эхний шатанд “Аль-Насра” ба “Персеполис” багууд тоглох үеэр энэ дээд амжилтыг тогтоожээ. Криштиан Роналдо нийт 776 удаа ялалт байгуулж 224 удаа тэнцжээ. Мань эр энэ улиралд 8 тэмцээнд оролцохдоо 9 гоол оруулж, үр дүнтэй 5 дамжуулалт хийжээ. 
Нэмж өгүүлэхэд, Английн “FourFourTwo” сэтгүүлийн редакц XXI зууны эхний 10 жилийн шилдэг хөлбөмбөгчдийг нэрлэв. Бразилын довтлогч Роналдиньо энэ жагсаалтыг манлайлжээ. Тэрбээр Бразилын шигшээ багт тоглож 5 удаа дэлхийн аварга болсон билээ. Ингээд 21-р зууны эхний 10 жилийн шилдэг хөлбөмбөгчдийн жагсаалтыг хүргэе. 
1. Роналдиньо (Бразил)
2. Зинедин Зидан (Франц)
3. Кака (Бразил)
4. Тьерри Анри (Франц)
5. Криштиан Роналдо (Португал)
6. Хави (Испани)
7. Роналдо (Бразил)
8. Андрес Иньеста (Испани)
9. Златан Ибрагимович (Швед)
10. Лионель Месси (Аргентин).