Хятад гүрний Жөжян мужийн төв Ханжоу хотод явагдаж буй Ази тивийн 19-р наадмаас манай Монголын сагсан бөмбөгийн “3х3” охидын баг мөнгө хүртлээ. Өнөөдрийг хүртэл нэг ч ялагдаагүй монгол охид алтын төлөөх тэмцээнд Хятадын шигшээ багт 12:21 харьцаатай хожигдлоо. Монголын маань эрэгтэй шигшээ баг хагас шигшээд Катартай тоглож 13:21 харьцаатай ялагдсан. Дараа нь тэд хүрэл медалийн төлөө Өмнөд Солонгосын багтай тоглож ялснаар хүрэл медаль авч чадлаа. 
Нэмж өгүүлэхэд, Азийн XIX наадам энэ оны 9-р сарын 23-наас 10-р сарын 8-ны өдөр хүртэл явагдаж буй. Ази тивийн 45 орон Азийн энэ наадамд оролцож байна. Олон улсын тамирчид 40 спортын 61 төрөлд өрсөлдөж байна. Уг нь ноднин зохион байгуулагдах ёстой байсан ч коронавирүсийн Цар тахлын улмаас хятадууд 1 жилээр хойшлуулсан. Хятад орон өмнө нь 2 удаа Азийн наадмыг хийсэн, 1990 онд Бээжинд, 2010 онд Гуанжоу хотод.