“National Hockey League” (NHL) хамгийн өндөр орлоготой тоглогчдоо тодруулсан тухай “Forbes”  сэтгүүл мэдээллээ. Оросын хоккейчин Александр Овечкин, Америкийн Натан Маккинал нар тус Лигийн хамгийн өндөр цалинтай тоглогчид болжээ. Түүнчлэн "2023-2023 улирлын хамгийн өндөр орлоготой хоккейчидтой клуб" жагсаалтыг А.Овечкиний тоглодог “Вашингтон Кэпиталз” тэргүүлэв. А.Овечкин энэ улиралд клубын гэрээгээр 17,5 сая доллар олсон ба түүний спортоос гадуурх орлого 5 сая доллар хүрсэн байна. Овечкин тус Лигийн шилдэг 50 тоглогчийн тоонд багтаж 30-р байранд бичигдлээ. Тэрбээр өнгөрсөн улиралд хамгийн тогтвортой снайпераар тодорсон юм. Овечкин 13 улирлын турш тоглохдоо улирал тутамд 40 гаруй шайб оруулдаг. 
Харин “Колорадо” клубын Натан Маккиналын орлого мөн 17,5 сая долларт хүрчээ. Өндөр орлоготой хоккейчдийн айргийн тавд “Миннесот” багийн орос тамирчин Кирилл Капризов багтсан. Түүний орлого 17 сая доллар, харин зар сурталчилгаанаас олсон мөнгө нь 0,5 сая доллар болжээ.