Бразил улсын алдартай хөлбөмбөгчин, “Аль-Хиляль” клубын довтлогч Неймар да Силва Сантос Жуниор  өвдгөө гэмтээж эмчлүүлж байгаа билээ. Тэрбээр 2026 оны Дэлхийн аварга шалгаруулах тэмцээний урьдчилсан тоглолтын (Бразил ба Уругвай 0:2) үеэр гэмтсэн ба 7-9 сар хөлбөмбөг тоглохоо завсарлажээ. Энэ завсарлагыг Неймар нилээд ашигтай өнгөрүүлж покерын онлайн тэмцээнд оролцож 66 мянган доллар мөнгө хожсон тухай “Poker News” мэдээллээ. Тэр 5,2 мянган доллар төлж “PokerStars”тэмцээнд бүртгүүлсэн юм байна. Неймар тоглогчдоос 2-р байранд шалгарч 66056 доллар хожсон, харин ялагч Доминикас Микенсонас 91663 доллар авчээ. “PokerStars” тэмцээнд нийт 59 хүн оролцжээ.