“FIFA” –Олон улсын хөлбөмбөгийн холбоо 2023 оны шилдэг тоглогчийн шагналыг Аргентины Шигшээ багийн ахмад Лионель Мессид хүртээлээ. Гэтэл алдарт Лео Месси  өөрөө энэхүү “The Best FIFA Football Awards” ёслолд ирсэнгүй. Тэрбээр 2021 онд “Алтан бөмбөг” шагнал хүртсэн билээ. 
Шилдэг дасгалжуулагчаар “Манчестер Сити” клубын Хосеп Гвардиола, шилдэг хаалгачаар “Манчестер Сити”-н Эдерсон (Бразил) тодорчээ. 
2023 оны билэгдлийн шигшээ багт Бельгийн Тибо Куртуа (Реал), Английн Жон Стоунз  (Манчестер Сити), Английн Кайл Уокер (Манчестер Сити), Португалийн Рубен Диаш (Манчестер Сити), Португалийн Бернарду Силва (Манчестер Сити), Английн Жуд Беллингем (Реал), Бельгийн Кевин Де Брёйне (Манчестер Сити), Норвегийн Эрлинг Холанд (Манчестер Сити), Францын Килиан Мбаппе (ПСЖ), Аргентины Лионель Месси (Интер Майами), Бразил улсын Винисиус Жуниор (Реал) нар багтжээ. 
Хамгийн гоё гоол хийсэн хөлбөмбөгчнөөр Бразилын Гильерме Мадруга (Куяба) шалгарсан бол шилдэг эмэгтэй хөлбөмбөгчнөөр Испаний Айтана Бонмати (Барселон), шилдэг эмэгтэй дасгалжуулагчаар Английн Сарина Вигманыг нэрлэв.