Оросын усан спортын алдартай тамирчин Кристина Макушенко гайхалтай үзүүлбэр бэлдэж олныг шагшрууллаа. Синхрон сэлэлтийн Дэлхийн 4 удаагийн аварга, Европын 2 удаагийн аварга Кристина одоо “TikTok”-н жинхэнэ од болжээ. Тэрбээр домогт Майкл Жексоны “сарны алхалттай” бүжгийг усан доор хийж үзүүлэв. Кристина энэ удаа “Smooth Criminal” дууны аянд хөтөлбөр бэлдэж түүний бүжгийг давтахын зэрэгцээ дүр төрхийг нь гайхамшигтай дуурайж чаджээ. Хүсвэл шинэ хувилбарыг энэ линкээр очиж үзнэ үү: https://dzen.ru/video/watch/65ec17e95851e30b8c8d75e3

Кристина “Маш төвөгтэй, огцом хөдөлгөөнтэй энэ бүжиг мэдээж усны эсэргүүцлийн улмаас усан доор хийхэд бүр хүнд хэцүү байлаа. Энэ бүжигт хурдан, бас хүнд хэцүү агшин бий. Бүжгийг бүхэлд нь ганц дублиэр бүжиглэх их хэцүү, хөдөлгөөн бүрийг хамаг хүчээ дайчлан цохилттой гаргах гэж хичээсэн... Заримдаа энэ нь танигдахын аргагүй, эмх замбараагүй юм болж хувирч байв... Бас малгай үргэлж урсч явчих гээд л. Би түүнийг оосроор уяж кадр эвдэхийг хүсээгүй юм” хэмээн ярилаа.