Дани улсын Копенгаген хотод “Major по Counter-Strike 2” цувралын анхны тэмцээн 2024 оны 3 сарын 17 -31-нд явагдаж байна. Тэмцээний шагналын сан 1’250’000 доллар бөгөөд тив бүрээс хамгийн шилдэг багууд оролцож буй. “PGL Major Copenhagen 2024” тэмцээнд манай улсын “The MongolZ” баг маань Ази, Номхон далайн бүс нутгийг төлөөлөн оролцож байна. Тэд тэмцээний эхний өдөр Туркийн “Eternal Fire”, Даний “ECSTATIC” багт ялагдаж тун хэцүү байдалд орсон юм.
Харин “The MongolZ” баг 3 сарын 18-нд Оросын “AMKAL” багийг 13:10 харьцаатай ялж анхны ялалтаа байгуулан тэмцээнээ үргэлжлүүлэх боломжтой болов. Оросууд харин гэртээ харьжээ.
“The MongolZ”-ын дараагийн өрсөлдөгч Хятадын “Lynn Vision Gaming” баг. Ялсан баг үлдэж ялагдсан нь гэртээ харина. Энэ 2 баг нилээд хэдэн удаа Азийн тавцан дээр хоорондоо тоглосон, сүүлийн 3 тэмцээнд монголчууд ялсан билээ.