Европын хөлбөмбөгийн холбоог (Union of European Football Associations, UEFA) “Исламын улс” хэмээх террорист бүлэглэл сүрдүүлсэн тухай дэлхийн ХМХ мэдээлэв. “UEFA –н дөрөвний нэг шигшээ тоглолтууд явагдах үеэр халдлага, алан хядах ажиллагаа үйлдэнэ гэж “Исламын улс” гэмт бүлэглэлийн хэвлэлийн алба дамжуулсан талаар "Marca", "Onda Cero" сонин бичжээ. Террористууд автомат барьсан хүний зураг болон “Тэднийг бүгдийг хөнөө” гэсэн бичигтэй дэвсгэр дээр шигшээ тэмцээн явагдах 4 цэнгэлдэх хүрээлэнг бичсэн плакатыг уг сүрдүүлэгтээ хавсаргажээ. 
Дөрөвний нэг шигшээ тэмцээний эхний тоглолтууд 4 сарын 9, 10-нд "Эмирейтс", "Парк де Пренс", "Метрополитано", "Сантьяго Бернабеу" гэсэн 4 стадионд болох юм. Дөрөвний нэг шигшээд тоглох багууд: “Арсенал” ба “Бавари” (Лондон хотод), “Реал” ба “Манчестер Сити” (Мадрид хотод),“Атлетико” ба “Борусси” (Мадрид хотод), “Парис Сен Жермен” ба “Барселон” (Парист). 
Испаний аюулгүйн алба "Аюул заналхийллийн тухай мэдээлэл авсан. Тэмцээний үеэр тусгай ажиглалт хийж  аюулгүй байдлыг хангах нэмэлт арга хэмжээ авахаар ажиллаж байна" хэмээн мэдэгдлээ.