Олимпийн аварга, Оросын уран гулгагч Алина Загитова “Матч ТВ” телевизэд ярилцлага өгчээ. “Хүмүүс миний тухай юу гэж бодох бол гэж би айдаг. Эргэн тойрны хүмүүс миний гадаад дүр төрхийг шүүмжилж ярих вий хэмээн эмээдэг. Буруу хувцасласан, үсний засалтаа онцгүй хийлгэж, нүүрний будалт тохирсонгүй гэж хүмүүс ярихаас би үнэхээр айдаг. Энэ мэдээж, буруу. Би эдгээр айдсаа даван туулахыг хичээж ажиллаж байгаа. Үүний нөгөө талд, намайг дэмждэг хүмүүс сайн сайхан үг хэлж урамшуулахад эрч хүч нэмэгдэж өөртөө илүү итгэлтэй, тайвшрах шиг болдог.... Эргэлзээ тээнэгэлзэл үнэхээр муу, түүнээс зайлсхийхийг хичээдэг” хэмээн тэрбээр ярилаа. 
Алина Загитова бол уран гулгалтын эмэгтэй, ганцаарчилсан төрөл дэлхийн бүх цол хэргэм, шагналыг хүртсэн цорын ганц орос бүсгүй. Тэрбээр 2019 онд уран гулгалтын карьераа түр зогсоосон ба одоо оддын шоу, мөсөн шоуны хөтлөгчөөр ажиллаж байна.