Төв ба Өмнөд Азийн гар утасны “PUBG” буюу “PUBG Mobile Super League” (Central and South Asia.PMSL CSA.Player Unknown's Battleground) тэмцээн өндөрлөв. 
200 мянган долларын шагналын сантай энэ тэмцээн Непал улсын нийслэл Катманду хотод явагдаж 5 орны 20 баг өрсөлдлөө. Монгол болон Непал, Пакистан, Бангладеш, Оросын багуудаас манай 5 багийн 4 нь финалд үлдэж чаджээ. Манай “4Merical Vibes” баг онооны нийлбэрээр тэмцээнд ялсан, мөн Монголын “IHC Esports” ба “Falcons Force” багууд 2, 4-р байранд шалгарав. Шувтаргын тэмцээний шилдэг тоглогчоор “4Merical Vibes” багийн гишүүн Ууганбаярын Дөлгөөн DOK тодорлоо.
Тэмцээний шилдэг 4 баг, тухайлбал Монголын “4Merical Vibes”, “Falcons Force”, “IHC Esports”, Оросын “MadBulls” багууд 7 сард Саудын Араб улсад болох “PUBG Mobile World Cup 2024”-т оролцоно. Тус тэмцээний шагналын сан 3 сая доллар юм байна.