Бразил улсын хөлбөмбөгчин, “Пари Сен-Жермен” клубын тоглогч Неймар да Силва Сантос Жуниорт сонирхолтой санал ирсэн тухай “Footmercato” мэдээллээ. Саудын Арабын нэрээ нууцалсан нэгэн клуб  түүнийг эх орондоо ирж тоглохыг урьж 400 сая евро санал болгожээ. Харин Неймар  шууд татгалзжээ. Тэр өөрөө одоогийн "ПСЖ" клубтээ үлдэх, эсвэл Английн “Манчестер Юнайтед” клуб рүү шилжихийг хүсдэг юм байна. Гэвч “ПСЖ” клубын удирдлага үнэндээ Неймарыг зарах бодолтой байна. 2 шалтгаантай: Нэгт, мөнгөө хэмнэх. Хоёрт, Неймарын авир төрх, клубт болон ажилдаа хандах хандлагад удирдлага нь  сэтгэл дундуур байдаг аж. Харин Английн клубын тухайд хэрэв Катарын хөрөнгө оруулагчид түүнийг худалдаж авбад Неймарын энэ хүсэл биелж магадгүй гэж спортын тоймчид таамаглаж байна. 
Неймар 2017 оноос хойш “ПСЖ” клубт тоглож байгаа, түүний гэрээ 2025 онд дуусна. Энэ улиралд Неймар бүх 29 тэмцээнд тоглож 18 гоол оруулж 17 үр дүнтэй дамжуулалт хийжээ. Тэгээд ч “ПСЖ” клуб сая Францын аварга болсон юм.