Домогт хөлбөмбөгчин Лионель Месси нийгмийн сүлжээнд “Пари-Сен-Жермен” багийг орхин явж байгаа тухай зарлав. “Баярлалаа, энэ 2 жилийн төлөө клубтээ мөн Парист болон хотын оршин суугчдад баярлаж байна. Та бүхэнд ирээдүйд сайн сайхан бүхнийг ерөөе” гэж Месси мэдэгдлээ. Түүний энэ мэдээг тус клубын удирдлага албан ёсоор батлав. "Пари Сен -Жермен" коубын ерөнхийлөгч Нассер Аль-Хелаифи “Леодоо талархал илэрхийлье. Манай клуб болон Премьер Лигт оруулсан түүний асар их хувь нэмрийг үнэлж баршгүй. Бид Лео болон түүний гэр бүлд хамгийн сайн сайхан бүхнийг хүсч байна...  Месси улирал дуустал тоглоно" хэмээжээ. Месси Парист 2 жил тоглохдоо 74 тэмцээнд оролцож 32 гоол оруулсан ба түүний ачаар “ПСЖ” клуб 2 удаа Францын аварга болжээ. 
Аргентины тамирчин Месси одоо манай гарагийн хамгийн өндөр цалинтай тамирчин болсон, тэр жилд 600 сая евро авна. Саудын Арабын “Аль-Хиляль” клуб түүнд 2 жил тогловол 1,2 тэрбум еврогийн гэрээ байгуулах саналыг тавьсан аж. Мессийн эрх ашгийг төлөөлдөг эцэг ба ах бараг өөрөөс нь түрүүлж зөвшөөрөл өгчихжээ. Месси харин "Барселон"-оос санал ирэхийг хүлээж байсан, гэвч эцэст нь арабуудтай гэрээ байгуулсан бололтой. Түүнчлэн Мессид бас АНУ-ын “Интер Майами” клубээс санал ирсэн, 4 улирлын төлөө 200 сая долларыг тэд амлажээ.