Дэлхийн алдартай хөлбөмбөгчин, Аргентины тамирчин Лионель Мессийн цалингийн тухай Хойд Америкийн хөлбөмбөгийн гол Лигийн (MLS) эздийн нэг Хорхе Мас мэдээллээ. Дашрамд дурдахад, энэ клубын эздийн тоонд домогт хөлбөмбөгчин Дэвид Бекхэм байдаг. 
Месси энэ зун “MLS”-н  “Интер Майами” клубтэй гэрээ байгуулж шилжин очиж байгаа билээ. Тэрбээр энд жилд 50-60 сая доллар авах аж. Гэтэл Месси хэрэв Саудын Араб улсын “Аль-Хиляль” клубын саналыг хүлээн авсан бол нэг улиралд л 500 сая евро авах байсан юм. 
“Месси үнэндээ MLS-г дэлхийн хамгийн том хоёр, гуравхан лигийн нэг болгон хувиргаж чадна. Месси өөрийн ул мөрөө түүхэнд үлдээхийг хүсч байгаа гэж таамаглаж байна. Энэ нь дан хөлбөмбөгөөр хязгаарлагдахгүй байх. Месси спортын замналаа орхихдоо клубээс хувь авах байх” гэж “El Pais Маса” бичжээ. "Би Мессийг авах гэж 3 жил гэрээ хэлэлцээр хийсэн, үүнээс 1,5 жил нь асар их ачаалалтай байв. 5 сарын сүүлээр энэ хэрхэн хийгдсэнийг би нүдээр харсан. Дэвид Бекхэм зөвхөн хөлбөмбөгийн сэдвээр Леотой ярилцаж байсан. Түүнийг дарамт шахалт мэдрээсэй гэж би хүсээгүй. Бид Барселонд, бас Майами, Росарио, Дохад ч ярилцсан. Дэлхийн аварга шалгаруулах тэмцээний турш би Катарт байж Аргентины тоглолтыг ажиглаж байлаа. Хэлэлцээр хийж гэрээ байгуулахад маань “Applе”-н гэрээ маш чухал болсон.... Мөн бид Барселоны Серхио Бускетстэй гэрээ хийсэн, түүний жил орчим хэлэлцээр явагдсан. Түүнчлэн Анхель Ди Маритэй бид ярилцсан ч тэр өөр багтай гэрээ байгуулахаар бололтой. Мессийг түүний түвшний тоглогчдоор хүрээлүүлэх хэрэгтэй байв....  ” хэмээн “Интер Майами” клубын эзэн Хорхе Мас ярилаа.