Насанд хүрэгчдийн дунд явагдаж буй Дэлхийн аварга шалгаруулах тэмцээний түүхэнд анх удаа хиджабтай тоглосон тухай Олон улсын Хөлбөмбөгийн хороо (FIFA) мэдээллээ. Тэр бол Марокко улсын Шигшээ эмэгтэй багийн тоглогч Нухайла Бензина. Энэ тэмцээн 7 сарын 20-ноос 8 сарын 20-ны хооронд Австрали, Шинэ Зеланд улсад зохион байгуулагдаж байгаа юм. Австралийн Аделаид хотод явагдсан Мароккогийн Шигшээ баг Өмнөд Солонгосын Шигшээгийн эсрэг тоглож 1:0 харьцаатай ялжээ. Мароккогийн хөлбөмбөгчин Ибтиссам Жраиди тэмцээний 6 дахь минутад гоол оруулсан. 
“FIFA” өмнө нь толгой хүзүү бэртэх эрсдэлтэй гэж үзээд шашин шүтлэгээр шалтаглан хөлбөмбөгийн тэмцээнд толгойн алчуур, малгайтай оролцохыг хориглож байсан. Харин 2014 онд энэ хоригийг цуцалсан билээ. Марокко улсын Шигшээ баг ийнхүү Араб, Хойд Африкийн орнуудаас ДАШТ-д анх удаа шалгарав. 
.