Жүдо бөхийн дэлхийн шилдэг тамирчид 8 сарын 4-нөөс Унгар улсын Будапешт хотод хүчээ сорьж байна. ДАШТ-ий дараа ордог "Hungury Masters 2023" хэмээх нэр хүндтэй тэмцээнд 55 орны 406 жүдоч оролцов. Монгол Улсаас Олимпын хүрэл, дэлхийн аварга, МУГТ Ц.Цогтбаатар тэргүүтэй 14 тамирчин очжээ: 9 эрэгтэй, 5 эмэгтэй. 
Одоогоор Спортын олон улсын хэмжээний мастер Энхтайваны Ариунболд 60кг хүртэлх ангилалд мөнгөн медаль, СОУМ Бавуудоржийн Баасанхүү 48кг хүртэлх жинд хүрэл медаль  авсан ба мөн 3 шагналт байртай:  -66кг жинд Б.Эрхэмбаяр, -60кг жинд Б.Цогт-Очир, -48кг жинд Г.Наранцэцэг.
Монголчууд 2010 оноос хойш энэ тэмцээнд байнга оролцсон ба нийт 10 алт, 8 мөнгө, 12 хүрэл медаль хүртжээ. Энэхүү тэмцээнд оролцсон тамирчид чансаагаа ахиулахаас гадна мөнгөн шагналтай: 
Алтан медаль: Тамирчин 4800 евро, дасгалжуулагч 1200 евро.
Мөнгөн медаль: Тамирчин 3200 евро, дасгалжуулагч 800 евро.
Хүрэл медаль: Тамирчин 2000 евро, дасгалжуулагч 400 евро.