Бразил улсын Шигшээ багийн довтлогч, “Пари Сен-Жермен” багт тоглож буй 31 настай Неймар да Силва Сантос Жуниор Ойрхи Дорнодын багт шилжихээр болсон тухай Францын өдөр тутмын, үндэсний спортын сонин  “L'Equipe” мэдээллээ. Саудын Арабын “Аль-Хиляль” клуб түүнд бараг 160 сая еврогийн цалинтай 2 жилийн гэрээ байгуулахыг санал болгожээ. Түүний улирлын цалин 100 сая евро байх бололтой. Францын “Пари Сен-Жермен” клуб харин Неймар түүнийг шилжүүлэхийг зөвшөөрсөн. Дашрамд дурдахад, “Аль-Хиляль” багт одоо Бразил улсын Малком Филипе Силва де Оливейра тоглож байгаа юм.
Неймар 2017 онд 222 сая еврогоор “Барселон” багаас "Пари Сен-Жермен”-д шилжин ирсэн ба энд 2025 оны зун хүртэл тоглох ёстой. Неймар тус багийн бүрэлдэхүүнтэй Францын 5 удаагийн аварга, Цомын 3 удаагийн аварга, Супер цомын эзэн болжээ. Тэрбээр Бразилын бүх цаг үеийн хамгийн шилдэг гоолчин, энэ титмийг тэр домогт Пелетэй хуваалцдаг. Хоёулаа 77 гоолтой.