Бразил улсын хөлбөмбөгчин Неймар да Силва Сантос Жуниор Саудын Арабын “Аль-Хиляль” клубт шилжиж байгаа талаар манай сайт өмнө бичсэн билээ. Асар өндөр үнэтэй гэрээний талаар зарим баримт дэлгэгджээ. Неймар 2 жил “Аль-Хиляль” багт тоглохдоо 300-400 сая евро авах аж. Тэр энд 25 өрөөтэй, усан сантай, 3 саун бүхий тансаг шилтгээнд амьдарна. Бүр шилтгээний үйлчлэгчдийг нь хүртэл бэлдэж өгчээ. Мөн түүний мэдэлд 8 төрлийн тээврийн хэрэгсэл бий, хувийн онгоц болон тансаг авто гэх мэт. "Аль-Хиляль” баг тэмцээнд ялах бүрд Неймар 80 мянган еврогоор шагнуулна. Тэр нийгмийн сүлжээндээ Саудын Арабын тухай пост нийтлэх бүрдээ 500 мянган евро авна. Неймарын буусан зочид буудал, хооллосон зоогийн газар, аян замын бүх төлбөрийг клуб даах юм байна. Тэр бүү хэл Саудын Арабын хуулийг зөрчихийг Неймарт зөвшөөрчээ. Неймар гэрлээгүй, хайртай бүсгүй Бруно Бьянкардитай хамт амьдардаг. Тэр жирэмсэн. Уг нь Саудын Арабын хуулиар гэрлээгүй бол нэг дээвэр дор амьдрахыг хатуу хориглодог билээ.
Санал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
-
2026 оныг “Боловсролыг дэмжих жил” болголоо2025-04-02
-
Хуулийн төсөл өргөн барьлаа2025-03-28
-
2026 оныг “Боловсролыг дэмжих жил” болголоо0 сэтгэгдэл