Image description
Турк улсын Ерөнхийлөгч Режеп Эрдоган “Хүн төрөлхтөний хувь заяаг Дэлхийн II дайнд ялсан цөөхөн хэдэн орон шийдэх ёсгүй. Дэлхий бол Нэгдсэн Үндэстний Байгууллагын Аюулгүйн Зөвлөлийн 5 орноос хавьгүй том шүү. Даян дэлхийд болон олон улсын харилцаа, худалдаан гарч байгаа өөрчлөл их, иймээс даяаршсан аюулгүй байдлыг бүтэц хуучин хэвээр байх боломжгүй” хэмээн мэдэгдлээ. Тэрбээр энэ мэдэгдлээ Анголд айлчилж байхдаа хийсэн. Эрдоган 2018 онд НҮБ-ын АЗ-ийн байнгын гишүүдийг олон болгох санаачилга гаргаж, “Энэ нь тус байгууллагын ажлын үр дүнг дээшлүүлнэ, манай гарагийн ирээдүйд асар чухал” хэмээн хэлж байсан юм. Түүнчлэн Францын Гадаад харилцааны яамны албан төлөөлөгч өмнө нь НҮБ-ын АЗ-ийг тэлэх саналыг гаргасан билээ. 
Нэмж өгүүлэхэд, Туркийн Дэд ерөнхийлөгч Фуат Октай өнөөдөр гадаадын 10 орны Элчин сайдыг улс орны хэрэгт хөндлөнгөөс оролцсон гэж буруутгалаа. “Тэд бүрэн эрхээ хэтрүүлж байна, манай орны улстөрийн амьдралд, Шүүхийн асуудалд хөндлөнгөөс оролцохоо боль. Туркийн Шүүх бие даан ажилладаг, манайх бол тусгаар орон. Та нар ажиллаж байгаа энэ орны тусгаар тогтнолыг хүндэтгэх ёстой. Хэрэв шүүх процесст хөндлөнгөөс оролцохыг хүсч байгаа бол өөрийн улс орнуудад тэр хүслээ гүйцэтгэ” хэмээн Дэд ерөнхийлөгч Октай мэдэгдэв. Гадаадын 10 орны Элчин хамтарч “Anadolu Kültür AŞ” соёлын санг үндэслэгч, хүний эрхийн төлөө тэмцэгч Осман Кавалыг суллахыг уриалсан юм байна. Энэ 10 орныг тоочвол: АНУ, Канад, Франц, Герман, Финлянд, Дани, Нидерланд, Шинэ Зеланд, Норвег, Швед. Үүний дараа Туркийн ГХЯ эдгээр 10 орны Элчин сайдыг дуудаж уулзан  сануулга өгчээ.