Image description
“Хятадын эрдэмтэд 35В5 хэмээх эсрэг биетийг нээн илрүүллээ, энэ нь "SARS-CoV-2" коронавирүсийн янз бүрийн штаммыг саармагжуулах чадвартай. Тиймээс 35B5 моноклональ эсрэг биет бол өргөн хүрээний, түгээмэл вакцин бүтээх үндэс суурь болж болох юм” гэж “biorxiv.org" сайтын нийтлэлд дурджээ. "35B5” эсрэг биетийг “COVID 19”-өөр хүнд өвдсөн өвчтөний цуснаас гаргаж авсанчээ. Дашрамд дурдахад, хятадуудын нээсэн эсрэг биет бол вирүсийн тодорхой хэсэгт, өөрөөр хэлбэл мутацийн явцад өөрчлөгддөггүй хэсэгт нөлөөлдөг аж. “Коронавирүсийн шинэ штамм “омикрон”-ыг чухам 35B5 эсрэг биет л саармагжуулж чадна” гэж эрдэмтэд ярьжээ. Сануулахад, Хятадын “Sinovac” компани саяхан “омикрон”-ыг судалж байгаа, шаардлагатай тохиолдолд шинэ вакцин бүтээх боломжтой гэж мэдэгдсэн билээ. Тэгэхээр энэ нээлтийн ачаар хүн төрөлхтөн ойрын хугацаанд ковидын эсрэг төгс вакцинтай болж магадгүй гэж зарим тоймч үзэж байна.
Харин 
Оросын вирусологч Анатолий Альштейн үүнтэй санал нийлэхгүй байна. Тэрбээр “Моноклональ эсрэг биет бол нэг ёсны ийлдэс бөгөөд хүнд тарихад 1 сар орчим хамгаална. Тиймээс түүгээр жинхэнэ вакцин бүтээх боломжгүй” гэж тайлбарлалаа.