Image description

Дэлхийн улс орнууд цар тахал эхэлснээс хойш эдийн засаг, эрүүл мэндийн асуудалд онцгой анхаарал хандуулахуйц олон ажлуудыг хийж хэрэгжүүлж эхлээд байгаа. Монгол Улсын тухайд Засгийн газраас эрүүл мэндээ хамгаалж, эдийн засгаа сэргээх 10 их наяд төгрөгийн цогц төлөвлөгөөг баталж, цар тахлын улмаас 6 орчим хувиар унаад байсан эдийн засгаа сэргээх бодлого зорилтыг 2023 он хүртэл хэрэгжүүлэхээр шийдвэрлээд ажил хэрэг болгоод явж байна. Уг ажлын хүрээнд жижиг дунд үйлдвэрлэл, үйлчилгээ эрхлэгчдэд жилийн гурван хувийн хүүтэй, гурван жилийн хугацаатай хоёр их наяд төгрөгийн зээлийг олгож, эдийн засгийн хүнд цохиотод орохоос сэргийлэх арга хэмжээ хөтөлбөрүүдийг боловсруулаад байгаа билээ. Харин Их Британи улсын хувьд манай улсын хэрэгжүүлж байгаа 10 их наядын схем бүхий эдийн засгаа сэргээх хөтөлбөрийг зарлалаа. Засгийн газраас 80 хувийн баталгаа гаргаж,14 сая доллар буюу 10 сая фунт стерлингийн хөнгөлөлттэй зээлийг ард иргэддээ санал болгож байгаа аж. Энэхүү зээлийн хүү нь 14,99%-иар тогтоож байгаа бөгөөд “бизнес эрхлэгчид бизнесээ сэргээх санхүүгийн хямралаас гарахад нь шаардлагатай санхүүжилтийг олгож байгаа боломж юм” хэмээн сангийн сайд Риши Сунак хэллээ.Дашрамд сонирхуулахад  Монгол Улсад арилжааны банкны эх үүсвэрийг ашиглаж, зээлийн хүү нь 3% байгаа бол Англид төрөөс эх үүсвэрийг нь шийдэж зээлийн хүү 14.99% хүртэл байгаа нь юм.