Хятад гүрэн өнгөрсөн 2023 онд эдийн засгийн 3 дээд амжилт тогтоосон тухай “Жэньминь жибао” мэдээлэв. 
1. Хятадын үр тарианы үйлдвэрлэл 2023 онд рекорд тогтоов. Хятадад 9 жил дараалан үр тарианы үйлдвэрлэл нэмэгдэж 650 тэрбум тонныг давжээ. 
2. Хятадын сэргээгдэх эрчим хүчний эх үүсвэрийн хүчин чадал 2023 онд нэмэгдэж нийт үйлдвэрлэсэн эрчим хүчний талаас илүү хувийг эзэллээ. Өөрөөр хэлбэл, Хятадад сэргээгдэх эрчим хүч анх удаа дулааныхыг давжээ. Хятадын сэргээгдэх эрчим хүчний салбар 2023 онд 1,45 тэрбум кВт энерги үйлдвэрлэсэн юм байна.
Хятад ийнхүү нар, салхины энергийг ашиглаж эрчим хүчний салбарт том өөрчлөлт гаргаснаар өнөөдөр ашигт малтмалын хамаарлаа бууруулж нүүрсхүчлийн хийн ялгарлыг багасгаж чадлаа. 
3. Хятад авто машины үйлдвэрлэл, экспортын хэмжээгээр шинэ амжилт тогтоов. 2023 онд Хятадад үйлдвэрлэсэн болон борлуулсан авто машин нэмэгдэж 30 саяд хүрчээ. Экспортод 5 сая гаруй авто машин гаргаж энэ үзүүлэлтээр Хятад улс Японыг ардаа орхиж 1-р байранд бичигдлээ. 
Сонирхуулахад, Хятад 2021 онд 26,082 сая машин үйлдвэрлэж 26,275 саяыг зарж 2,015 сая машин экспортолсны дүнд Солонгосыг гүйцэж дэлхийд 3-т жагссан.
Харин 2022 онд Хятад 27,021 сая авто машин үйлдвэрлэж 26,864 саяыг зарж 3,111 саяыг экспортолж Германыг гүйцэн түрүүлж 2-т орсон билээ. 
#МЦогзолмаа орчуулав.